Nod:
Cymuned ymchwil gynhwysol i Gymru sy’n rhoi fforwm diogel, agored i’r rheiny sy’n gweithio tuag at rhoi terfyn ar Drais yn erbyn Menywod, Cam-drin Domestig a Thrais Rhywiol i osod yr agenda ymchwil ar gyfer y dyfodol, meithrin cydweithio a datblygu ceisiadau grant, cwblhau gwaith ymchwil o’r safon uchaf a gweithio tuag at ddileu trais yn erbyn Menywod, Cam-drin Domestig a Thrais Rhywiol.
Amcanion:
- Pennu/deall y blaenoriaethau o ran ymchwil ac ymarfer i Gymru.
- Nodi bylchau mewn ymchwil VAWDASV.
- Rhannu gwybodaeth ac arbenigedd (yn cynnwys cyfnewid gwybodaeth).
- ‘Profi’ syniadau ymchwil a mesur diddordeb mewn cydweithio.
- Nodi galwadau am grantiau cyngor a grantiau masnachol ymchwil ac ymateb iddynt.
- Cyd-greu ceisiadau grant ymchwil.
- Datblygu gweithio mewn partneriaeth yn y dyfodol ledled y DU ac yn rhyngwladol.
- Adrodd yn flynyddol ar gynnydd yn erbyn amcanion.
Egwyddorion Arweiniol:
- Datblygu gweithgor craidd i gefnogi’r gwaith o ddatblygu rhywdwaith ymchwil VAWDASV i Gymru.
- Alinio gweithgareddau gyda thirlun polisi Cymru e.e. y Ddeddf Trais yn Erbyn Menywod, Cam-drin Domestig a Thrais Rhywiol (Cymru) 2015 nodedig, Deddf Gwasanaethau Cymdeithasol a Llesiant (Cymru) 2014 a Deddf Llesiant Cenedlaethau’r Dyfodol (Cymru) 2015.
- Ystyried gwaith a gweithgareddau’r rhwydwaith ymchwil yng nghyd-destun deddfwriaeth y DU e.e. Deddf Trais Domestig 2021, a deddfwriaeth berthnasol arall yn y DU, a chanllawiau rhyngwladol e.e. Sefydliad Iechyd y Byd (WHO).
- sicrhau bod y rhwydwaith ymchwil yn hygyrch a chynhwysol.
- I sicrhau bod goroeswyr wrth galon y gwaith o’r camau cynllunio hyd at y camau gwerthuso.
- Cydymffurfio â’r Fframwaith Uniondeb Ymchwil (RIF) ar Drais a Cham-drin Domestig (2020). Mae’r RIF yn nodi arfer da o ran ymchwil moesol mewn perthynas â Thrais a Cham-drin Domestig gan fynd i’r afael ag egwyddorion yn seiliedig ar bump elfen: Diogelwch a llesiant; Tryloywder/atebolrwydd; Cydraddoldeb, hawliau dynol a chyfiawnder cymdeithasol; Ymgysylltu; Moeseg Ymchwil.
- Cydymffurfio â’r canllawiau a amlinellir yn y ddogfen ‘Welsh Woman’s Aid’s Survivor Engagement Toolkit’ – https://welshwomensaid.org.uk/cy/news/launch-of-the-survivor-engagement-toolkit/.
Cylch Gorchwyl
Rôl a swyddogaeth:
Mae rhwydwaith ymchwil VAWDASV Cymru yn gyfle unigryw i ddod â chyfoeth o brofiad, arbenigedd, gwybodaeth a sgiliau ynghyd i ddatblygu a chyflwyno gwaith ymchwil o’r ansawdd uchaf. Bydd gan aelodau grŵp a rhwydwaith craidd ddiddordebau ac arbenigeddau penodol o fewn y maes VAWDASV. Mae cynhwysiant a pharch yn ganolog i rhwydwaith ymchwil VAWDASV.
Mae rôl a chyfrifoldebau’r gweithgor craidd fel a ganlyn:
Cefnogi datblygiad a gwaith parhaus Rhwydwaith Ymchwil VAWDASV Cymru.
Mae’r tasgau allweddol yn cynnwys:
- Mireinio’r rhwydwaith (amcanion, cwmpas, swyddogaethau a gweithgareddau).
- Gosod blaenoriaethau ymchwil VAWDASV i Gymru.
- Datblygu’r wefan, brandio ar gyfer y rhwydwaith, cyfathrebu.
- Cyfnewid gwybodaeth – er enghraifft, trosglwyddo’r gwaith ymchwil i arfer, polisïau, gwaith ymchwil pellach, addysg ac ati. Gall hyn gynnwys, ond heb fod yn gyfyngedig i, gweithdai, cynadleddau, cyfarfodydd briffio, erthyglau cyfnodolion.
- Ehangu a chynnal rhwydweithiau allanol – er enghraifft, darparwyr gwasanaeth, academyddion, goroeswyr/cyswllt cleifion a’r cyhoedd, polisi a rhanddeiliaid eraill.
- Goruchwylio’r gwaith o ddatblygu’r rhwydwaith, a sichrau ei bod yn ehangu mewn ffordd gyfrifol ac yn unol â’r nodau ac amcanion.
- Goruchwylio’r grantiau ymchwil pan gânt eu gwobrwyo e.e. adrodd yn ôl i’r rhwydwaith ar greu incwm ac effaith y gwaith ymchwil.
Aelodaeth graidd y gweithgor:
Bydd y gweithgor craidd yn cynnwys aelodau o’r rhwydwaith ymchwil ehangach a bydd yn cynrychioli amrywiaeth y rhwydwaith.
Rheoleidd-dra cyfarfodydd:
- Bydd aelodau grŵp craidd yn cwrdd bob deufis, gyda gweithgorau llai yn cwrdd yn ôl yr angen ar brosiectau penodol.
- Cynhelir cyfarfodydd rhwydwaith gyfan bob chwarter.